Nómadas en Acción somos una empresa formada por persones qu’ufrimos la nuesa esperiencia na música, el deporte y la cultura, pa desarrollar:
Alcuentrase en:
06-07-2010
El I Alcuentru de Cerveces del Mundu, zona esclusiva del Festival Xixón 5º 40’, va cellebrarse en Xixón ente los díes 17 y 22 d’Agostu, dambos inclusive. L’allugamientu pa esta actividá, englobada nel programa’l festival y del branu xixonés, sedrá la esplanada del Paséu de la Playa Poniente. Ellí va instalase una carpa de 15 metros d’ancho per 30 metros de llargo qu’abellugará les distintes actividaes preparaes pola organización.
Puntu d'alcuentru del festival, esti eventu instaláu a cien metros de la mar, cuntará con un escenariu pa les actuaciones que se programen a diario, una amplia barra onde podrán degustase la bayura de cerveces, xinta, xuegos y regalos pa los asistentes que participen d'esta fiesta. Con un horariu ininterrumpíu, qu'abarca dende les 12:00 hores del mediudía a la 01:30 hores de la madrugada, na carpa podréis esfrutar de tol programa diseñáu pa ca una de les xornaes, refrescar los calores estivales con cerveces de calidá y sintir la bayura de música tradicional que se fae nel Arcu Atlánticu, y nel restu'l mundu.
Organizáu pola Conceyalía de Cultura Tradicional y Llingua Asturiana, y l'Asociación Cultural Pelagius, cuenta col patrociniu principal del Ayuntamientu de Xixón, Cervezas Universales, Teatru Xovellanos y Turismu de Xixón. La producción del eventu va correr a cargu de la promotora asturiana Nómadas en Acción Multiproducciones.
¡¡¡ENTRADA DE BALDRE!!!
Más información: www.musikaze.com/alcuentru_de_cerveces_del_mundu
